Comeza unha nova andaina

Un curso novo e un grupo de voluntariado novo! Fai un días fixemos a convocatoria entre o alumnado de 6º e non podemos estar máis orgullosos...43 rapaces e rapazas están dispostos a axudar en todas as tarefas da biblioteca. E, para iso, asinaron o seu contrato laboral no que se comprometen a cumprir coas súas obrigas.

En poucos días serán os encargados de guiar ao alumnado máis pequeno pola biblio, pero antes teñen que formarse. Por iso precisamos un par de semanas para abrir as portas e que, grazas a eles e elas, vaia todo rodado!